Sağlamlıq

Yaşıl almanın bilmədiyimiz TƏHLÜKƏSİ: Xəstə və ya sağlam şəxslər... - XƏBƏRDARLIQ

19 İyul 2021 20:49

"Pankreas iltihabı və xüsusilə alovlanma mərhələsində öd yollarının diskinezi olan insanlar yaşıl alma yeməməlidirlər".

Publika.az xarici KİV-ə istinadla xəbər verir ki, bu sözləri Rusiyadan olan endokrinoloq və diyetisyen Tatyana Boçarova deyib.

Onun sözlərinə görə, göstərilən diaqnozlu insanlar üçün bu meyvənin daha şirin növlərini seçmək, onları sürtgəcdən keçirmək və ya sobada bişirmək lazımdır:

"Qastrit və ya peptik xora xəstəliklərindən əziyyət çəkənlər gündə bir yaşıl alma ilə kifayətlənməlidirlər. Bir şərtlə ki, mədə boş olmasın. Əsas qida qəbulundan bir saat sonra yemək daha yaxşıdır".

"Həmçinin unutmaq lazım deyil ki, alma turşusunun növləri dişlərin minalarına zərər verir. Buna görə də, bu meyvədən istifadə etdikdən sonra ağzınızı su ilə yaxalamaq məsləhətdir. Sağlam insan gündə iki dənədən çox yaşıl alma yeməməlidir. Əks halda turşu selikli qişanı qıcıqlandıra bilər və yan təsir olaraq iştahanı açar", - deyə Boçarova vurğulayıb.