Sağlamlıq

Ürəyi qoruyan 3 effektiv məhsul

1 İyun 2022 13:12

Terapevt və teleaparıcı Yelena Malışeva ürək-damar sisteminin sağlamlığını qoruyan 3 “super” məhsulu açıqlayıb.

Publika.az Rusiya mətbuatına istinadən xəbər verir ki, bunlar cəfəri, qırmızı bibər və skumbriyadır.

Birinci kanalda “Sağlam yaşa!” verilişinin efirində danışan ekspert ürəyin kaliuma ehtiyacının olduğunu qeyd edib. O bildirib ki, cəfəri kaliumla ən zəngin bitkidir. Gündəlik 55 qram cəfəri orqanizmi kaliumla təmin edəcək.

Çili bibərinin köməyi ilə damarları daha elastik etmək mümkün olacaq. Həkim gündə 5 qram istiot yeməyi məsləhət görür.

Skumbriya isə bədənimizi aterosklerozun inkişafından qoruyan doymamış Omeqa-3 turşularını ehtiva edir. Malışevaya görə, skumbriyadan kifayət qədər faydalanmaq üçün gündə yalnız 50 qram lazımdır.