Sağlamlıq

Ananasın heyrətamiz faydalı xüsusiyyətləri - AÇIQLAMA

13 İyun 2022 18:09

Ananas zəngin qida mənbəyidir və orqanizmdə zülalların parçalanmasına kömək edən nadir bromelain fermentini ehtiva edir.

Publika.az xəbər verir ki, alimlərin qənaətinə görə, mədə şirəsi az miqdarda ifraz olunan adamlar üçün bromelain fermenti faydalıdır. Bu maddə qan laxtalarını həll etməyə qadirdir, buna görə də ürək xəstəliklərinin müalicəsində istifadə olunur. Ananas C vitamini ilə zəngindir, onun bir dilimi gündəlik tələbatın təxminən 30 faizini ödəməyə qadirdir.

Bildirilib ki, ekzotik meyvə iltihab əleyhinə təbii önləyicidir. Həmçinin ananasın tərkibində natrium və kalium olduğu üçün o, qan təzyiqinə müsbət təsir göstərə bilər.

Bundan əlavə, meyvə bədəndən toksinləri və artıq mayeni çıxarır, artrit, boğaz ağrısı və sinüzit riskini azaltmağa kömək edir.