Kardioloqdan ürək-damar xəstələrinə XƏBƏRDARLIQ - Risk qrupunda kimlər var?

Koronavirus infeksiyasına yoluxmuş xəstələrin böyük çoxluğunda ürək-damar xəstəliklərinin inkişaf riskinin artdığı müşahidə olunur.

Publika.az xəbər verir ki, bu barədə Rusiya Səhiyyə Nazirliyinin baş müstəqil kardioloqu Yevgeni Şlyaxto danışıb.

“Xəstələrin nisbətən yüksək faizində, hətta koronavirus infeksiyası gedişatının şiddəti orta olsa da, miokard zədələnməsinin markerlərində artım, troponin T səviyyələri, EKQ dəyişiklikləri aşkar edilir. Bunlar gələcəkdə miokard zədələnməsi, ritm pozğunluğu və ürək çatışmazlığının inkişaf edə biləcəyinə dair siqnallardır”, - mütəxəssis RİA Novosti-yə müsahibəsində qeyd edib.

Şlyaxto vurğulayıb ki, miokarddakı patoloji dəyişikliklər həm infeksiyanın özünün təsiri, həm də immun sistemindəki mexanizmlərin pozulması nəticəsində koronavirusun gecikmiş təsiri ola bilər: “Belə xəstələrin dərin tibbi müayinəyə ehtiyacı var, o cümlədən, ürək-damar xəstəlikləri istiqamətində. Diaqnostikaya iltihabın və ürəyin funksional vəziyyətinin markerlərinin alınması, exokardioqrafiyanın aparılması, damarların vəziyyətinin və trombozun inkişaf ehtimalının qiymətləndirilməsi, həmçinin tromboembolik ağırlaşmalar daxildir”.

Aytən Məftun