Alimlər suyun yeni xüsusiyyətini aşkar etdi

Suyun xüsusiyyətlərində erkən qocalmağa səbəb olan xüsusiyyətlər aşkar edilib.

Publika.az xəbər verir ki ki, bu barədə İ.Kant adına Baltik Federal Universitetinin və İ.N. Ulyanov adına Çuvaş Dövlət Universiteti alimləri danışıb. Tədqiqatçılar tərkibində silisium duzları olan suyun laboratoriya heyvanlarına necə təsir etdiyini təhlil ediblər. Rusiya alimləri müəyyən ediblər ki, suda olan silisium birləşmələri qocalmağa səbəb olur. Təcrübələr zamanı onlar belə qənaətə gəliblər ki, bu element suda həll olunan silikatlardan bağırsaqlara sorulur və orqanizmə sistemli təsir göstərir.

“Əgər lazım olduğu qədər içsəniz, 10 mg / l konsantrasiyada içməli su ilə gündəlik silisium qəbulu bir neçə aydan sonra immunoloji iltihaba səbəb olur və orqanizmin təbii qocalmasını sürətləndirir”, - İ.Kant adına Baltik Federal Universitetinin Tibb kafedrasının dosenti, elmlər namizədi Valentina Qordova “RİA Novosti”yə açıqlamasında bildirib.

Mütəxəssis vurğulayıb ki, iltihabı dayandırmaq mümkün deyil. Mütəxəssis onu da diqqətə çatdırıb ki, bio silikon tərkibli əlavələr də orqanizmə mənfi təsir göstərir. Qeyd edək ki, alimlər bu araşdırmanı təxminən 20 ildir aparır.