Bred Pitt Ancelinanın zorakılıq ittihamlarına cavab verdi
Bizi izləyin

Sağlamlıq

Bred Pitt Ancelinanın zorakılıq ittihamlarına cavab verdi

Bred Pittin nümayəndəsi Ancelina Colinin ittihamları, daha dəqiq desək, 2016-cı ildə şəxsi təyyarənin göyərtəsində baş vermiş münaqişə ilə bağlı CNN-ə açıqlama verib.

Publika.az xəbər verir ki, Colinin iddialarına görə, o və Pitt ailəsi ilə birgə Fransadan ABŞ-a uçan zaman aktyor ona və uşaqlara qarşı fiziki zorakılıq tətbiq edib. Aktrisanın sözlərinə görə, keçmiş həyat yoldaşı uşaqlardan birini boğmağa çalışıb, digərinin üzünə vurub, onu isə silkələyib və divara itələyib.

Pittin nümayəndəsi Colinin bütün bu iddialarını yalan adlandırıb:

“Onun hekayəsi inkişaf etməyə davam edir və hər dəfə yeni, təsdiqlənməmiş detallar ortaya atılır. Bred etdiklərinə görə məsuliyyət daşımağa hazırdır, amma etmədikləri üçün deyil. Bu yeni ittihamlar qətiyyən həqiqətə uyğun deyil”, - Bredin mətbuat nümayəndəsinin bəyanatında qeyd olunub.

Bred Pittin fikrincə, təyyarənin göyərtəsində baş verənlərin yenidən gündəmə gəlməsi “Château Miraval” şərab zavodunun satışı ilə bağlı məhkəmə prosesinə bağlıdır. Bred fevral ayında məhkəməyə müraciət edərək həyat yoldaşını Fransadakı mülklərindəki payını rusiyalı iş adamı Yuri Şeflerə qanunsuz satmaqda ittiham edib. Bundan sonra Ancelina cütlüyün boşanmasına səbəb olan münaqişənin təfərrüatını əks etdirən iddiaları yayıb.

Məhkəmə sənədlərində Coli bildirib ki, münaqişə əslində hava limanında başlayıb, Pitt uşaqlardan biri ilə dalaşıb. Uçuş zamanı uşaqların hamısı çox qorxduqlarına, bəzilərinin ondan dayanmasını yalvarmasına, çoxunun ağlamasına baxmayaraq, münaqişə davam edib.

Mübahisədən 5 gün sonra aktrisa boşanmaq üçün məhkəməyə müraciət edib. Xatırladaq ki, boşanma prosesi uzun və çətin olub, cütlüyün bəzi mübahisəli məsələləri indiyədək həll olunmayıb. Məsələn, Ancelina və Bred uşağın qəyyumluğu məsələsini tam həll etməyiblər.

Oxumağa davam et
Reklam
Reklam

Gündəm