Sağlamlıq

Kimin saçı daha tez ağarır? - Məşhur stilist açıqladı

1 Noyabr 2022 18:26

Sarı ilə müqayisədə tünd rəngli saçlar daha tez ağarmağa meyillidir.

Publika.az xəbər verir ki, bu barədə Gazeta.ru-ya müsahibəsində dünyaca məşhur stilist, "L'Oréal Professionnel Paris"-in yaradıcı tərəfdaşı Maksim Rokitski deyib.

"Saçın strukturu vacibdir. Ağ tüklər, ilk növbədə tünd və qalın, sıx saçlarda görünür. Yüngül və nazik saçlarda isə çox gec və daha az rast gəlinir", - o qeyd edib.

Mütəxəssisin fikrincə, genetik meyl, eləcə də həyat ritmi və pəhriz saçların ağarmasına təsir göstərə bilər. Üstəlik, saçın ağarması irsidirsə, bu proses kəsilə bilməz. Saçların vaxtından əvvəl ağarmaması üçün mütəxəssis stressdən uzaq, günəş altınd daha az olmağı və bədəndəki vitamin çatışmazlığına nəzarət etməyi məsləhət görüb.

Aytən Məftun

Teqlər saç