Bakıda koronavirus HƏYƏCANI: qoruyucu maska və spirt YOXA ÇIXDI, qiymətləri isə...

2019-cu ilin son ayında Çinin Uhan əyalətində ortaya çıxan karonavirusa yoluxanların sayı dünya miqyasında 79 mini keçib və ölənlərin sayı 2 345 nəfərə çatıb. Virus 30-a yaxın ölkədə yayılıb. Buraya Azərbaycanın qonşuları olan Gürcüstan və İran da daxildir. Virus Azərbaycanda yayılmasa da, insanlar yenə də müəyyən üsullarla özlərini, sağlamlıqlarını zəmanətə almağa çalışır. Virus qrip tipli olduğu üçün qoruyucu maskalar və spirt kimi tibbi ləvazimatlara ehtiyac duyulur. Bu səbəblə də əhali apteklərə üz tutur. Bununla bağlı vəziyyətin hansı yerdə olduğunu öyrənmək üçün biz də öz növbəmizdə apteklərə yollandıq.

Apteklərdən Publika.az-a verilən məlumata görə, vətəndaşlar qoruyucu maskanı beş-beş alır. Hazırda müraciət etdiyimiz 7-8 aptekin hər birində maskaların bitdiyi bildirildi. Tələbatın çoxluğu ilə əlaqədar maskaların qiymətində 2-3 dəfə artım müşahidə olunur. Bu da depolardan maskanın daha baha qiymətə təklif olunması ilə əlaqələndirilib. Eyni zamanda spirtin də qiymətində 30 faizədək artım olduğu deyildi.

Apteklərə müraciət edən vətəndaşlar ya maskaların yoxluğundan, ya da qiymətlərin süni olaraq artırılmasından şikayətlənir.

Tağı Həsənov,

Foto: Pərviz Həşimi