Xüsusi

Paşinyan erməni ordusunun qalıqlarını Xankəndidən çıxarır? - VİDEOMÜSAHİBƏ

21 İyun 2021 17:30

Ermənistanda seçkilər başa çatdı. Nikol Paşinyanın qalib gəldiyi elan olundu. 20 iyun seçkilərindən sonra İrəvanda hansı siyasi qütblərin küləkləri daha çox əsəcək? – İndi hər kəsi maraqlandıran əsas sual budur. Rusiyanın yeni layihəsi olan Koçaryan-Sarkisyan-Sarukyan üçlüyü Nikol Paşinyana qarşı çox da dirəniş göstərmədi.

Əsas uğur kimi hələlik onların parlamentdə təmsil olunmalarıdır. Görünən odur ki, rusiyayönümlülər Ermənistan parlamentində zaman-zaman Nikol Vovayeviç üçün başağrısına çevriləcəklər. Amma zamanı gələndə isə “inqilabla gələn inqilabla gedər” prinsipinə əsaslanaraq Paşinyanı “taxtdan salacaqlar”.

Ermənistandakı seçkilər nələri sürətləndirəcək? Paşinyan Qarabağdakı erməni ordusunun qalıqlarını çıxarmağı sürətləndirəcəkmi?

Bütün bu suallara siyasi analitik Teymur Qasımlı ilə cavab tapmağa çalışdıq.

Teymur Qasımlı Publika.az-a müsahibəsində söylədi ki, Nikol Paşinyanın bundan sonrakı fəaliyyəti təkcə Azərbaycan üçün deyil, eləcə də bölgədəki digər güclərin də maraq dairəsində olacaq.

Müsahibəni təqdim edirik: