Bakı yarışından əvvəl çox iş görməliyik - Şoulin

3 İyun 2022 18:13

“Mercedes” komandasının yarış direktoru Endryu Şoulin bildirib ki, Monako trası onların zəif yönlərini ortaya çıxarıb.

Publika.az xəbər verir ki, “Mercedes” mövsümə pis başlayıb.

Lakin Barselonaya gətirilən yeniliklərdən sonra əksəriyyət gözləyirdi ki, “Mercedes” yenidən mübarizəyə qayıdacaq. Ancaq “gümüşü oxlar” Monakoda həm “Red Bull”dan, həm də “Ferrari”dən geri qalıblar.

Endryu Şoulin deyib ki, komanda və pilotlar üçün məyusedici həftəsonu idi: “Vahid dövrədə zəif idik, amma yarışda da tempimiz yox idi. Corc Landodan 5-ci yeri aldı və sona qədər onu arxasında saxladı. Əla performans idi. Lyuis də yarış ərzində “Alpine” komandasının pilotları ilə mübarizə apardı. Ona düzgün strategiya seçə bilmədik. Soyuq havada təkərləri qızdırmaq çətin idi və iki maşın da yarışın sonlarında performans itirməyə başladı. Bakı yarışından əvvəl çox iş görməliyik”.