Ağ Ev Baydenin yaşı ilə bağlı iddialara cavab verdi

Ağ Ev ABŞ prezidenti Co Baydenə qarşı irəli sürülən yaş iddialarına münasibət bildirib.

Publika.az xəbər verir ki, bu barədə mətbuat katibi Karin Jan-Pyer danışıb.

O bildirib ki, 2020-ci il seçki kampaniyası zamanı çoxları bu mövzunu qaldırıb, lakin hələlik Bayden prezident kimi öz tapşırıqlarını uğurla yerinə yetirir.

Qeyd edək ki, Bayden ikinci prezidentlik müddətinə namizədliyini irəli sürəcəyini bildirib. Növbəti seçki zamanı o, 82 yaşında ABŞ tarixində ən yaşlı prezident olacaq. Qalib gəlsə və bütün müddətə xidmət etsə, prezidentlik müddəti bitəndə 86 yaşı tamam olacaq.

Jan-Pyer vurğulayıb ki, Baydenin yaşı son iki ildə ən çox müzakirə edilən və davamlı olaraq gündəmə gətirilən məsələdir:

"Bununla belə, onun keçmiş nailiyyətlərinə nəzər salsanız, onun üzərinə düşən vəzifələri uğurla yerinə yetirə bildiyini başa düşmək olar. Respublikaçılar Baydendən fərqli olaraq Amerika xalqının rifahı üçün mənalı heç nə etmədilər".

Ağ Evin mətbuat katibi “Bayden qalib gəlsə, ikinci müddətinin sonuna qədər bitirməyi planlaşdırırmı” sualını cavablandırmaqdan imtina edib. Bildirib ki, bu qərar yalnız prezidentə məxsusdur.

Hüseyn İbadlı