Tramp Putinlə gizli görüşüb: görün ona nə deyib... - ŞOK İDDİA

ABŞ-ın yeni seçilmiş prezidenti Donald Trampın artıq Vladimir Putinlə şəxsi görüşü baş tutub.

Publika.az xəbər verir ki, bu iddianı Respublikaçı konqresmen Maykl Makkol səsləndirib. Qanunverici bu barədə Atlantik Şuraya müsahibəsində bildirib.

Onun sözlərinə görə, onlar Ukrayna münaqişəsini müzakirə ediblər.

“Mən bilirəm ki, seçilmiş prezident (Tramp - red.) Putinlə görüşüb: “Lütfən, vəziyyəti gərginləşdirməyin” deyib", - M. Makkol qeyd edib.

Amerika mediası daha əvvəl yazmışdı ki, Donald Trampın Vladimir Putinlə telefon danışığı olduğu iddia edilir, bu zaman respublikaçı Rusiya prezidentini Ukraynadakı münaqişəni qızışdırmamağa çağırıb və “ABŞ-ın Avropada əhəmiyyətli hərbi mövcudluğunu” xatırladıb.

Daha sonra Kreml bu çağırışla bağlı xəbərləri təkzib edib. Rusiya prezidentinin mətbuat katibi Dmitri Peskov əlavə edib ki, Tramp komandasından Putinlə telefon danışığı üçün hələlik heç bir müraciət olmayıb və bu tədbirə hazırlıq getmir.

Eyni zamanda, Vladimir Putin dəfələrlə Ukrayna üzrə danışıqlara, o cümlədən ABŞ-ın yeni seçilmiş prezidenti ilə danışıqlara hazır olduğunu vurğulayıb.

Akqabay