Londonda Big Ben saatı dayandı - FOTO

Avqustun 25-də Böyük Britaniyanın əsas simvollarından biri - Londonda Biq Ben qülləsində quraşdırılan saat fəaliyyətini dayandırıb.

Publika.az xəbər verir ki, bu barədə Britaniya Parlamentinin məlumat yayıb.

“Saat texniki səbəblərə görə dayanıb. Bu gün siz qüllədəki saatın səhv vaxtı göstərdiyini görmüsünüz. Saatın bəzi əsas komponentlərini quraşdırmaq üçün onların işi dayandırılmalı və yenidən işə salınmalı idi”, - məlumatda deyilir.

Tezliklə saatın yenidən işə başlayacağı gözlənilir.

Məlumat üçün bildirək ki, Vestminster Sarayının 96 metr hündürlüyündə olan saat qülləsi 1856-cı ildə ingilis memarı Avqust Puqin tərəfindən tikilib. Qüllə Kraliça Viktoriya dövrünün abidəsidir və YUNESKO-nun Ümumdünya Mədəni İrs Siyahısına daxil edilib. Çəkisi 13,7 ton olan Big Ben hər saatda, əlavə olaraq hər 15 dəqiqədən bir zəng çalır.

Zəng 157 il demək olar ki, dayanmadan işləyib.

Həmçinin qüllədəki saat 2017-ci ildən 2021-ci ilə kimi təmir olunub. Binada lift quraşdırılıb, siferblatda isə LED asma quraşdırılıb.

Hüseyn İbadlı