Makron Putini yeni zənglərlə HƏDƏLƏDİ

Fransa prezidenti Emmanuel Makron Rusiya lideri Vladimir Putinə zəng etməyi dayandırmayacağını bildirib. Onun sözlərinə görə, o, Rusiya Federasiyasının prezidenti ilə telefon danışıqlarını davam etdirəcək.

Publika.az xəbər verir ki, o, bu barədə "France 2" telekanalının efirində məlumat verib.

"Mən öz missiyam üçün cavabdehəm və tələb olunduqda həmişə danışıqlar aparacağam", - Fransa lideri qeyd edib.

Onun sözlərinə görə, Paris Rusiya ilə müharibə aparmır və ümumilikdə münaqişənin qlobal miqyasda genişlənməsinin əleyhinədir.

Makron vurğulayıb ki, ona məsuliyyət qoyulub və “əsas aktyorlarla” danışacaq.

Bundan əvvəl Makron bildirib ki, həm Moskvanın, həm də Kiyevin Ukraynadakı münaqişənin danışıqlar yolu ilə həllinə ehtiyacı var.

Makron qeyd edib ki, danışıqlar məsələsini Fransa deyil, sırf ukraynalılar həll edəcək.

Qeyd edək ki, Fransa prezidenti telefon danışıqlarına müstəsna həvəsi ilə tanınır. Makron digər dünya liderlərinə tez-tez zəng edir və bu səbəbdən o, artıq zarafatların qəhrəmanına çevrilib.

Hüseyn İbadlı