Banklar

Bankların depozitləri nə qədər artıb? - STATİSTİKA

23 Avqust 2022 09:36

Bu ilin yanvar-iyul ayları ərzində Azərbaycanın kommersiya banklarının ümumi depozitləri 26 milyard 102,9 milyon manat olub.

Publika.az xəbər verir ki, bu məlumat Azərbaycan Mərkəzi Bankının 7 aylıq hesabatda öz əksini tapıb.

Hesabata görə, bunun 14 milyard 113.4 milyonu manatla olan depozitlər, 11 milyard 989.5 milyonu isə xarici valyutada olan depozitlər təşkil edir.

Ötən ilin analoji dövründə isə depozitlərin ümumi həcmi 23 milyard 694,3 milyon manat olub ki, bunun da 12 milyard 922.6-ı manatla, 10 milyard 771.7-si isə xarici valyutada olan depozitlər olub.

Hesablamalar zamanı aydın olur ki, bir il ərzində ümumi depozitlərdə 2 milyard 408,6 milyon manat, manatla depozitlərdə 1 milyard 190,8 milyon manat, xalrici valyuta depozitlərində isə 1 milyard 217,8 milyon manat artım baş verib.

Rövşən Ziya