Evi əşyaları ilə satdı: Qızının cəsədi isə soyuducuda...

ABŞ-ın Kolorado ştatında ev satıldıqdan sonra dondurucuda evin əvvəlki sahibinin 16 yaşlı qızı Amanda Liri Overstritə məxsus bədən hissələri tapılıb.

Publika.az xəbər verir ki, bu barədə "NBC News" yerli hakimiyyət orqanlarına istinadən məlumat yayıb.

Bildirilir ki, hadisə qəsdən adam öldürmə kimi araşdırılır və təhqiqat davam edir.

İdarədən qeyd olunub ki, dəhşətli qətlin üstü yanvar ayında ev yeni sahibinə satıldıqdan və həmin sahibin dondurucunu pulsuz saxlamağı təklif etdikdən sonra açılıb. Dondurucunun içərisində qıza məxsus baş və əllər tapılıb.

Məlumata görə, Amanda sonuncu dəfə 2005-ci ilin aprelində görülüb.

Qeyd olunur ki, qalıqlar müəyyən edilib və ölümün səbəbi qətl kimi araşdırılır. Bədənin qalan hissələri tapılmayıb. Koroner ofisi ölüm səbəbini açıqlamasa da, bunun aktiv araşdırma olduğunu və əlavə təfərrüatların açıqlanmayacağını söyləyib. DNT testi qızın şəxsiyyətini təsdiqləməyə kömək edib.

Polis evin hazırkı sahibinin "əvvəlki işə heç bir şəkildə bağlı olmadığını" bildirib.

"Ev alınıb, tamamilə təmir edilib və hazırkı sahibinə satılıb", - deyə bildirilib.

Adəm