Çeçen qayınata rus gəlinini öldürdü: İtaət etmirmiş

22 yaşlı Kristina 2024-cü il sentyabrın 24-də Çeçenistanda yoxa çıxıb. Qızı aktiv şəkildə axtaranlardan biri də onun qayınatası olub.

Publika.az Rusiya mətbuata istinadən xəbər verir ki, onun öldürüldüyü bildirilir. Qızı öldürənin isə elə 46 yaşlı qayınatası Ruslan Ü.-nün olduğu üzə çıxıb.

Şübhəli hər şeyi etiraf edib, lakin ölən qızın qalıqları hələ də tapılmayıb.

Kristinanın Lobnyada yaşayan anası Anastasiya Kokova cəsədi tapmağı xahiş edir ki, onu dəfn etsinlər, həmçinin qayınatanın kiçik gəlini ilə necə və niyə bu cür rəftar etdiyini öyrənməyi tələb edib.

Həbs edilən şəxs özü iddia edir ki, gəlinini itaətsizlik üzündən öldürüb. Bununla belə, cinsi zorakılığın baş verdiyini düşünməyə əsas var. Son illərdə Kristina qayınatasının daimi nəzarəti altında yaşayırdı, ona addım atmağa imkan vermirdi.

“Kristina kifayət qədər seriala baxmışdı və böyük sevgiyə inanırdı. Toydan sonra ərinin vətənində onu nələrin gözlədiyini təsəvvür edə bilmirdi”, - deyə mərhumun anası bildirib.

Adəm Abbaslı