Digər

Qırğızıstanda sərhəd rayonlarından təxliyə başa çatdı: 142 min insan...

18 Sentyabr 2022 13:20

Toqquşmaların baş verdiyi Tacikistanla sərhədə yaxın ərazidə yaşayan Qırğızıstan vətəndaşlarının təxliyəsi prosesi başa çatıb.

Publika.az xəbər verir ki, bu barədə “TASS”a Qırğızıstan Fövqəladə Hallar Nazirliyinin mülki müdafiə və xilasetmə işləri departamentinin rəhbəri Bolot Şarşanəliyev bildirib.

Onun sözlərinə görə, bu ərazilərdə yaşayan demək olar ki, bütün əhali təxliyə edilib.

Şarşanəliyev qeyd edib ki, orada yerli sakinlərdən yalnız könüllü xalq dəstələri qalıb. O, sözügedən dəstələrin evlərin təhlükəsizliyini təmin etdiklərinə aydınlıq gətirib.

"Qadınlar, uşaqlar, qocalar artıq təxliyə olunub. Ümumilikdə, Batken və Oş vilayətlərinin bir sıra yaşayış məntəqələrinin sakinləri nəzərə alınmaqla, 142 minə yaxın insan təxliyə edilib" - Şarşanəliyev əlavə edib.