Dünya

"Facebook"un ən məşhur şəhərləri - SİYAHI

1 Fevral 2015 06:55

Feysbuk sosial şəbəkəsində səhifələrin bəyənmə sayına görə şəhərlərin siyahısı açıqlanıb.

Axar.az-ın verdiyi məlumata görə, bu barədə "Fastbooking.com" portalı araşdırma aparıb. Gündəlik 1,32 milyard istifadəçisi olan Feysbuk səhifələrin bəyənmə sayına görə 50 şəhəri təyin edib. Siyahıya 15 milyon bəyənmə ilə Nyu York rəhbərlik edir. 2-ci və 3-cü yerlərdə isə Paris və London qərarlaşıb. Maraqlı detallardan biri isə İranın paytaxtı Tehranın İtaliyanın paytaxtı Romanı geridə qoymasıdır. Tehran siyahıda 32, Roma isə 35-ci sırada yer alır.

Feysbuk səhifələrində aldıqları bəyənmələrə görə sıralanan şəhərlər arasında İstanbul 7-ci yeri tutub. Qeyd edək ki, Feysbukda dünyanın bütün şəhərlərinin səhifəsi var. Bu səhifələrdə turistlərə istiqamətli məsləhətlər və tövsiyyələr verilir.