İran boynuna almır: O ölkədə baş verənlərə qarışmırıq

İran Xarici İşlər Nazirliyinin sözçüsü İsmail Bəqai ABŞ Dövlət Katibinin Tehranın Yəmənin işlərinə müdaxiləsi ilə bağlı iddialarını rədd edib.

Publika.az xəbər verir ki, diplomat “X” sosial media hesabında yazıb: "Marko Rubionun yalanları reallığı əvəz edə bilməz".

Baqai vurğulayıb ki, "Ənsar Allah” hərəkatı öz qərarlarını verən və heç kimin göstərişlərinə tabe olmayan müstəqil bir oyunçudur".

İran Xarici İşlər Nazirliyinin nümayəndəsinin sözlərinə görə, regiondakı vəziyyətin qeyri-sabitliyinin əsl səbəblərini ABŞ-ın hərbi müdaxilələrində və onların hegemon siyasətində axtarmaq lazımdır.

"Əgər Vaşinqton həqiqətən sülh yaratmaq istəsəydi, bir sadə addım atardı: zərərli hərəkətlərini və bölgəmizin işlərinə dağıdıcı müdaxiləsini dayandırmaq", - deyə o əlavə edib.

Baqai həmçinin Yəməndəki münaqişənin güc yolu ilə həllinin mümkün olmadığını vurğulayıb.

Rubio əvvəllər husilərin İran agentləri olduğunu bildirmişdi: "Düşünürəm ki, bunun arxasında açıq-aydın İranın təsiri var. ABŞ-ın Səudiyyə Ərəbistanı ilə çox güclü müdafiə əlaqələri var. Biz bu inkişafı yaxından izləyirik. Bu, bir müddətdir davam edir".

Müəllif: Tural