ABŞ-dan Türkiyə açıqlaması: F-35 mesajı

ABŞ Konqresinin üzvü Co Uilson Türkiyənin F-35 proqramına qayıtmasını və Ankaraya tətbiq edilən CAATSA sanksiyalarının aradan qaldırılmasını dəstəklədiyini bildirib.

Publika.az xəbər verir ki, Uilson bu barədə Türkiyə mediasına açıqlama verib.

O, Ankara ilə Vaşinqton arasındakı əməkdaşlığın davam etdirilməsinin vacibliyini vurğulayıb. Türkiyənin F-35 qırıcı təyyarələri proqramına mümkün qayıdışı ilə bağlı suala cavab verən konqresmen buna ümidli olduğunu bildirib.

Uilson, həmçinin Türkiyəyə CAATSA çərçivəsində tətbiq olunan sanksiyaların götürülməsini dəstəklədiyini bildirib.

Amerikalı konqresmen İsrailin Suriyaya hava hücumlarını da tənqid edərək, bu hücumların dayandırılmasına çağırış edib.

Uilson Türkiyənin rolunu yüksək qiymətləndirib və Ankaranın Suriyaya dəstək olmasından məmnun olduğunu bildirib. Onun sözlərinə görə, Suriyada sabitlik, sülh və rifahın təmin olunması bütün Yaxın Şərqə, xüsusilə də Türkiyəyə fayda verə bilər.

“Türkiyə Amerikanın mühüm müttəfiqidir, Amerika da Türkiyənin müttəfiqidir və biz qarşılıqlı fayda güdürük", - deyə o qeyd edib.

Müəllif: Roza