İdman

"Qarabağ" Polşa klubuyla heç-heçə etdi

23 Yanvar 2019 21:26

Türkiyənin Antalya bölgəsində təlim-məşq toplanışında olan "Qarabağ" komandası bu gün üçüncü yoxlama matçına çıxıb.

Publika.az xəbər verir ki, rəqib Polşa "Pyast"ı olub. Belek qəsəbəsindəki "Gloria Sports Arena"da təşkil olunmuş görüş 1:1 hesablı heç-heçə ilə yekunlaşıb. Güclü yağış altında keçən qarşılaşmada hər iki qol ilk yarıda vurulub. 9-cu dəqiqədə "Pyast" hesabı açsa da, 15-ci dəqiqədə Araz Abdullayev bərabərliyi təmin edib.

"Qarabağ" və "Pyast" komandaları 2013-2014 mövsümündə Avropa Liqasının II təsnifat mərhələsində də üz-üzə gəliblər. Evdə 2:1 hesabı ilə qalib gələn Ağdam təmsilçisi səfərdə əsas vaxtda eyni hesabla uduzsa da, əlavə vaxtda vurduğu qolla mərhələ adlayıb.

Qeyd edək ki, daha əvvəl Macarıstan "Uypeşt"inə 0:1 hesabı ilə uduzan "Qarabağ" Çexiya "Bohemians"ını yenib - 3:1. Rumıniya "Botoşani"si ilə görüş isə əlverişsiz hava şəraiti ilə əlaqədar baş tutmayıb.