Cazibədar basketbolçu yeni müqavilə təklif olunmasa, bu yola əl atacaq - FOTOLAR

Dünyanın ən məşhur qadın basketbolçularından biri, Sofi Kanningem, OnlyFans hesabı açmağı nəzərdən keçirə biləcəyini bəyan edib. Səbəb isə WNBA ilə müqaviləsinin başa çatması və yeni təklifin olmamasıdır.

Publika.az xəbər verir ki, Sofi "İndiana Fever" ilə müqaviləsi bitdikdən sonra azad agent olub və liqada mümkün lokaut fonunda gələcəyi hələ tam aydın deyil.

Dekabrın sonunda o, "Speechless" podkastında yarı-ciddi olaraq bildirib ki, əgər ona yeni müqavilə təklif olunmazsa, "OnlyFans"a keçməyə hazırdır: "Mənim bir B layihəm var. Liqa pərəstişkar qazanmaq üçün platforma təqdim edir, "OnlyFans" isə ayrıca platforma ola bilər. Bu yaxşı ideyadır!"

Sofi zarafat edir, yoxsa ciddidir? Hələ bilinmir. Bunu öyrənənə qədər isə onunla tanış olaq. Kanningem 1996-cı ildə Missuri ştatının Kolumbiya şəhərində anadan olub və bu yay 30 yaşını qeyd edəcək.

NCAA-də Sofi dörd mövsüm "Missuri Tiqers" komandasında çıxış edib. 2019-cu ilin qadınlar WNBA draftında ikinci raundun birinci seçimi onu "Finiks Merkuri"yə gətirib. Burada 6 il keçirdikdən sonra 2025-ci ilin yanvarında "İndiana Fever"ə transfer olunub.

2025-ci ilin iyun ayında Sofi qlobal məşhurluq qazanıb. "Konnektikat" ilə matçda rəqib oyunçu komanda yoldaşı Kaytlin Klarkın gözünə toxunub. Nəticədə o yerə yıxılıb. Bu insidentdən sonra mübahisə baş verib, hakimlər faullar verib. Atmosfer gərginləşdikdə, Sofi həmkarı Klark üçün intiqam almağa qərar verib. Rəqib əks hücuma çıxan zaman Sofi onu səbət yaxınlığında başından tutaraq aşağı dartıb. Aralarında dava düşüb və "İndiana" müdafiəçisi meydandan qovulub.

Matçdan sonra bir qrup qadın NBA azarkeşi Sofinin ömürlük diskvalifikasiya edilməsini tələb edən petisiya hazırlayıb, çünki o, rəqibinə zərər verməyə çalışıb. Lakin azarkeşlərin çoxu Sofiyə hörmətini ifadə edib. O, populyarlıq qazanıb, "Fever" fan-şopda onun adı olan bütün köynəklər satılıb. İndi Kanningemin 1,3 milyon izləyicisi var.

O, vəziyyəti belə şərh edib: "Bu maraqlıdır, əyləncəlidir ki, insanları cəlb edir. Mən sadəcə ön planda basketbolu saxlamağa çalışıram, qalib gəlməyə və komandamın yoldaşlarını qorumağa çalışıram."

İndi Sofi Kanningem dünyanın ən gözəl bədənli və eyni zamanda qoruyucu basketbolçusu kimi tanınır.

Publika.az