İdman

Qvardiola haray çəkdi: pulu futbolçulara yox, onlara verin!

21 Fevral 2026 05:45

“Mançester Siti”nin baş məşqçisi Pep Qvardiola Çempionlar Liqasında “Benfika”ya qarşı oyunda (1:0) “Real”ın hücumçusu Vinisiusa qarşı yönəlmiş irqçiliklə bağlı vəziyyətə münasibət bildirib.

Vinisius “Benfika”nın hücumçusu Canluka Prestiannini onu “meymun” adlandırmaqda günahlandırıb.

Argentinalı futbolçu ağzını köynəyi ilə örtdüyü üçün dodaqlarından nə dediyini oxumaq mümkün olmayıb.

Publika.az xəbər verir ki, Qvardiola İngiltərə mətbuatına deyib:

“”Dərimizin rəngi bizi daha yaxşı və ya pis etmir. Görüləsi çox iş var – təkcə futbolda deyil, cəmiyyətdə də.

İrqçilik hər yerdədir. Bu, özünü necə davrandığınızda və başqasından daha yaxşı olduğunuzu iddia etdiyinizdə göstərir.

Bu problemi necə həll edək? Məktəblər. Futbol komandasına yox, müəllimlərə maaş verin. Müəllimlər və həkimlər cəmiyyətdə ən vacib insanlar olmalıdır, futbol məşqçiləri yox”.