“Fənərbağça”dan fantastik təklif aldı

“Əl-Nəsr”in baş məşqçisi Xorxe Jesus çox güman ki, cari mövsümün sonunda komandadan ayrılacaq.

Publika.az xəbər verir ki, Portuqaliyanın “A Bola” qəzetinin məlumatına görə, 71 yaşlı mütəxəssis artıq klub rəhbərliyini qərarı ilə bağlı məlumatlandırıb.

Deyilənə görə, Jesus Səudiyyə Ərəbistanındakı karyerasını başa vurmaq və başqa yerdə davam etdirmək üçün variantları nəzərdən keçirmək niyyətindədir. Lakin mövsümün qalan hissəsində məşqçi yalnız komandanın məqsədlərinə diqqət yetirir və potensial işəgötürənlərlə danışıqlara başlamaq planı yoxdur.

“Əl-Nəsr” hazırda çempionluq uğrunda mübarizəsini davam etdirir və eyni zamanda Asiya Çempionlar Liqası 2-nin finalına hazırlaşır. Finalda Yaponiyanın “Qamba Osaka” komandası ilə qarşılaşacaq.

Bu arada, Jesusun may ayının sonunda Lissabonda “Fənərbağça” nümayəndələri ilə görüşü planlaşdırılır. Türkiyə klubu məşqçiyə mövsümünə təxminən 15 milyon avro dəyərində müqavilə təklif etməyə hazırdır. Bu, onun məşqçilik karyerasının ən böyük razılaşması ola bilər.