Revanş üçün həyat yoldaşından icazə aldı
Bizi izləyin
Aptekonline

İdman

Revanş üçün həyat yoldaşından icazə aldı

Revanş üçün həyat yoldaşından icazə aldı

Ulduz ağırçəkili boksçu Derek Çisora peşəkar karyerasını davam etdirmək qərarı verib.

Publika.az xəbər verir ki, bu barədə “Sky Sports” məlumat yayıb.

Britaniyalı boksçu bildirib ki, “Bürünc bombardmançı” ləqəbli Uaylderlə revanş keçirməyi planlaşdırır və məhz bu qarşılaşma onun peşəkar rinqdə son döyüşü olacaq.

“Revanş üzərində işləyirəm. Həyat yoldaşım mənə yaşıl işıq yandırdı, ona görə də revanşa çıxacağam. Hələ bunu tam təsdiqləməmişəm. Qarşıda bir neçə görüşüm var, görək hər şey necə gedəcək.

Uaylder də maraqlıdır, çünki o da nəticədən narazıdır. Bəli, ola bilsin ki, qalib gəlib, amma məyus qalıb. Buna görə təkrar döyüş keçirəcəyik. Bundan sonra isə hər şey bitəcək. Bu ilin sonunda karyeramı başa vuracağam”, – deyə Çisora bildirib.

Onların ilk qarşılaşması 4 apreldə baş tutmuşdu. Həmin döyüşdə Deontey Uaylder hakimlərin bölünmüş qərarı ilə qalib gəlmişdi. Derek Çisora həmin döyüşdən sonra əlcəklərini mismardan asacağını açıqlamışdı.

Oxumağa davam et
Reklam
Reklam

Gündəm

Aptekonline