CİDDİ TƏHLÜKƏ: Enerji cihazını "tok"da saxlamayın
Bizi izləyin

İKT

CİDDİ TƏHLÜKƏ: Enerji cihazını "tok"da saxlamayın

Enerji cihazını (adapter) elektrik yuvasında telefona qoşulu olmadan saxlamaq olmaz. Çünki bu həm cihazın xarab olmasına, həm də yanğına səbəb ola bilər.

Publika.az xarici KİV-ə istinadla xəbər erir ki, bu barədə “Sinergiya” Universitetinin IT institutunun direktoru Stanislav Kosarev bildirib.

Onun sözlərinə görə, cihazın özü uşaqlar və ev heyvanları üçün əlçatmaz olan yerdə saxlanılmalıdır. Belə ki, ev heyvanları naqili çeynəyə bilər, bu isə səhhətlərinə zərərdir. Uşaqlar da cihazı ağızlarına aparırlar, bunun nəticəsi də faciəvi ola bilər.

“Bundan başqa, şarj aparatını ildırım çaxarkən, yaxud güclü külək vaxtı elektrik yuvasına taxılı qoymaq olmaz”, - deyə ekspert vurğulayıb.

Kosarev həmçinin orijinal enerji cihazı aparatlarından istifadəni məsləhət görüb.

O, smartfonda akkumlyatorun şarjına nəzarətin vacibliyini də vurğulayıb.

“Qadjetinizin akkumlyatorun boşalmasına görə sönməsinə imkan verməyin, bundan başqa 100 faiz doldurmaq da lazım deyil. Akkumlyatorun ömrü üçün ən optimal variant onun şarjını 20-80 faiz arasında saxlamaqdır”, - deyə ekspert bildirib.

Oxumağa davam et
Reklam
Reklam

Gündəm