Dünyanın ən varlı ailələrinin adları AÇIQLANDI

Dünyanın ən varlı 25 ailəsinin sərvəti son bir ildə 312 milyard dollar (22 % artım) artıb.

Publika.az xəbər verir ki, bununla bağlı "Bloomberg" hazırladığı reyti açıqlayıb.

Siyahıda birinci yeri 238,2 milyard dollar sərvəti ilə dünyanın ən böyük supermarketlər şəbəkəsi "Walmart"ın sahibləri olan amerikalı Uoltonlar ailəsi tutur.

Uoltonlar son təqvim ilində 23 milyard dollar zənginləşiblər.

Reytinqin yuxarı 10-luğunda ardıcıllıqla ərzaq məhsulları istehsal edən “Mars” şirkətinin sahibi Marslar ailəsi (142 milyard dollar), ABŞ-ın “Koch İndustries” neft-kimya şirkətinin sahibi Koxlar ailəsi (124,4 milyard dollar), Fransanın “Hermes” dəb mərkəzinin sahibi Hermelər ailəsi (111,6 milyard dollar), Səudiyyə Ərəbistanının Əl Səud kral ailəsi (100 milyard dollar), Hindistanın “Reliance İndustries” holdinqinin sahibi Ambanilər ailəsi (93,7 milyard dollar), Fransanın “Chanel” dəb mərkəzinin sahibi Vertheimerlər ailəsi (61,8 milyard dollar), ABŞ-ın “Fidelity İnvestment” şirkətinin sahibi Consonlar ailəsi (61,2 milyard dollar), “Thomson Reuters” media şirkətinin sahibi Tomsonlar ailəsi (61,1 milyard dollar), Almaniyanın “Boehringer İngelheim” əczaçılıq şirkətinin sahibi Böringerlər ailəsi (59,2 milyard dollar) qərarlaşıb.

Hüseyn