Krımı Rusiyaya ABŞ verdi – SENSASİON İDDİA
Bizi izləyin

MDB

Krımı Rusiyaya ABŞ verdi – SENSASİON İDDİA

Rusiyanın Dövlət Dumasının Krımdan olan deputatı Mixail Şeremet yarımadanın “qayıdışı” üçün ABŞ-a təşəkkür edib.

Publika.az “RİA-Novosti” agentliyinə istinadən xəbər verir ki, rusiyalı deputatın sözlərinə görə, 2014-cü ilin əvvəlində ABŞ-ın Ukraynadakı “planlaşdırdığı” dövlət çevrilişi yarımadanın Rusiyaya birləşdirilməsi prosesini gözəçarpacaq dərəcədə sürətləndirdi.

“Amerikalılar tərəfindən koordinasiya edilən dövlət çevrilişi Krımın tarixi vətəninə - Rusiyaya qayıdışı üçün başlanğıc nöqtəsi oldu. Təəssüf ki, çevriliş Ukrayna xalqına vətəndaş müharibəsi və yoxsullaşma şəklində bir sıra bədbəxtlikləri gətirdi”, - agentlik Şeremetdən sitat gətirib.

Deputat qeyd edib ki, Ukrayna çevriliş olmasaydı da, Krım onsuz da yenidən Rusiyanın olardı, ancaq buna daha çox vaxt və səylər gedərdi:

“Krım hər halda Rusiyaya qayıdardı. Ola bilər bunun üçün onlarla il keçərdi”, - Dövlət Dumasının üzvü söyləyib.

Ömər

Oxumağa davam et
Reklam
Reklam

Gündəm