Putindən qorxudan sözlər: "DÜNYA SARSILACAQ"

Rusiya prezidenti Vladimir Putin 1895 yerli və xarici jurnalistin iştirak etdiyi ənənəvi mətbuat konfransını keçirib.

Publika.az xəbər verir ki, Putin iqtisadiyyatdan daxili siyasətə, beynəlxalq məsələlərdən sosial problemlərə qədər bir çox mövzuda verilən sualları cavablandırıb.

İqlim dəyişikliyi

“BMT-nin hesabatına görə, atmosferə ən çox zərərli qaz buraxan ölkələrin başında ABŞ gəlir. Onu Çin və Aİ izləyir. Rusiya isə 4-cü sırada yer alır. Kimsə iqlim dəyişikliyinin səbəblərini tam olaraq bilmir. İnsanlığın iqlim üzərindəki təsirini tam olaraq hesablamaq mümkün deyil. Təbii ki, bu, iqlim dəyişikliyi ilə mübarizədə heç bir şey edilməyəcəyi anlamına gəlmir. Rusiya iqlimin ani biçimdə dəyişməməsi üçün əlindən gələni ortaya qoymalıdır”.

"NEW START" (Strateji Silahların Azaldılması Yeni Sözləşməsi) müqaviləsi

“ABŞ ilə yeni bir silahlara nəzarət müqaviləsi imzalamağa hazırıq. ABŞ razılaşma mövzusunda Rusiyanın təkliflərinə cavab verməyib. Bir razılaşma olmazsa, heç bir şey silahlanma yarışını dayandıra bilməz və qlobal təhlükəsizlik sarsılar. Razılaşma yenilənməsə, 2021-ci ildə başa çatacaq”.

İmpiçment

“Trampın vəzifəsindən kənarlaşdırılması uzaq ehtimaldır. Qərarın Senatdan keçməyəcəyini düşünürəm. Demokratların Trampa qarşı qaldırdığı iddialar isə uydurmadır”.

Zümrüd