Odessa limanına raket hücumu və ...buğdanın qiyməti qalxdı

İyulun 25-də buğdanın qiyməti kəskin artıb. Buna səbəb Rusiya ordusunun Odessadakı dəniz limanına raket zərbəsi endirməsi olub. Bu isə bir gün əvvəl əldə edilmiş “Taxıl razılaşması”nın həyata keçirilməsinin mümkünlüyünə şübhələr yaradıb.

Publika.az xəbər verir ki, bu barədə “Reuters” məlumat yayıb.

Çikaqo Ticarət Birjasında buğda fyuçersləri bu gün demək olar ki, 4% bahalaşaraq 1 buşel üçün 7,86 dollara çatıb, cümə günü sövdələşmə elan edildikdən sonra qiymətlər təxminən 6% ucuzlaşdığı üçün itirdiyi yerini bərpa edib.

Ukrayna ixracının bərpası təkcə təhlükəsiz daşıma kanalları deyil, həm də təhlükəsiz limanlar tələb edir. Jurnalistlər avropalı taxıl alıcılarından birinə istinadla bildirirlər ki, “ruslar nəqliyyat müqaviləsinin mürəkkəbi qurumamış limanların təhlükəsizliyinə şübhələr yaradıblar”.

Başqa bir alıcı isə deyib ki, minaların təmizlənməsinin nə qədər vaxt aparacağı ilə bağlı qeyri-müəyyənlikdən başqa, gəmi sahibləri yük tarifindən asılı olmayaraq, gəmilərinin raketlə vurulacağından qorxduqları üçün Ukraynaya getməyəcəklər.

Murad