Kiyev Milad atəşkəsini dəstəkləmədi: "Bizə heç bir aidiyyatı yoxdur"

Ukrayna Milli Təhlükəsizlik və Müdafiə Şurasının (MDŞ) katibi Aleksey Danilovun sözlərinə görə, rəsmi Kiyev Rusiyanın təklif etdiyi atəşkəs rejimini dəstəkləmək niyyətində deyil. Aleksey Danilov bildirib ki, Rusiya tərəfi ilə hər hansı danışıqlar prosesini rədd edirlər.

Publika.az xəbər verir ki, Bu barədə TASS Kanal 24-ün yayımına istinadən xəbər verir.

“Onlarla nə atəşkəs, nə də hər hansı bir tarixlə bağlı danışıqlar aparılmır, bunun bizə heç bir aidiyyatı yoxdur”, – Danilov bildirib.

Bundan əvvəl Rusiya prezidenti Vladimir Putin Milad bayramı ilə əlaqədar olaraq Rusiyanın müdafiə naziri Sergey Şoyquya yanvarın 6-sı saat 12:00-dan yanvarın 7-si saat 24:00-dək bütün təmas xətti boyunca atəşkəs rejiminin tətbiqi barədə göstəriş verib.

Kreml həmçinin Ukrayna tərəfini atəşkəs elan etməyə və vətəndaşlara Milad mərasimlərində iştirak etmək imkanı verməyə çağırıb. Səbəb kimi, pravoslavlığı qəbul edən çoxlu sayda vətəndaş hərbi əməliyyatların aparıldığı ərazilərdə yaşaması göstərilib.

Aytən Məftun