MDB

Putinin ruslar arasında reytinqi dəyişdi - SORĞU

28 Noyabr 2025 14:30

Vladimir Putinin Rusiya prezidenti kimi fəaliyyəti vətəndaşların 77 faizi tərəfindən bəyənilib. Bu, əvvəlki həftə ilə müqayisədə 1 faiz bəndi çoxdur.

Publika.az xəbər verir ki, Putinin yenilənmiş reytinqi İctimai Rəy Fondunun (FOM) saytında dərc olunub.

Respondentlərin 10 faizi dövlət başçısının fəaliyyəti ilə bağlı mənfi fikir bildirib, 13 faizi isə qərarsız qalıb.

Bundan başqa, Putinə güvənən rusların sayı 1 faiz bəndi artaraq 77 faizə çatıb. Respondentlərin 13 faizi əks fikirdə olub, digər 10 faizi isə əmin deyil.

Qeyd edək ki, sorğu noyabrın 21-dən 23-dək Rusiyanın 51 regionunda 97 icmada aparılıb. Burada yaşı 18-dən yuxarı olan 1500 nəfər iştirak edib. Əldə edilmiş məlumatların səhv nisbəti 3,6 faizi keçmir.

Adəm