Yaxın Şərq
BMT 2 il əvvəlki partlayışla bağlı bəyanat yaydı
Birləşmiş Millətlər Təşkilatı (BMT) iki il əvvəl Livanın paytaxtı Beyrut limanında baş verən böyük partlayışla bağlı beynəlxalq istintaqın aparılmasının vacibliyini vurğulayıb.
Publika.az xəbər verir ki, BMT ekspertlərinin verdiyi yazılı açıqlamada bu hadisənin ən böyük qeyri-nüvə partlayışlarından biri olduğu bildirilib.
‘‘Partlayışın niyə baş verdiyini öyrənmək üçün indiyədək heç bir iş görülməyib. Partlayışın ikinci ilində Livan xalqı әdalәtin tәmin edilmәsini gözlәmәyә davam edir. Livanın paytaxtı Beyrut limanında baş verən partlayışla bağlı beynəlxalq istintaqın aparılması ilә әlaqәdar çağırış edirik’’,-deyә bәyanatda vurğulanıb.
Partlayışdan sonra BMT-nin Livan hökumətini hadisəni araşdırmağa çağırdığı, lakin prosesin bir neçə dəfə əngəlləndiyi bildirilib.
“Qurbanların yaxınları Livan hakimiyyətinin çoxtərəfli sistemlə apardığı təhqiqat vasitəsilə verə bilmədiyi cavabları almaq ümidi ilə İnsan Hüquqları Şurasının himayəsi altında müstəqil araşdırmanın aparılması üçün beynəlxalq ictimaiyyətə müraciət ediblər",-deyә bәyanatda vurğulanıb.
Bəyanatda BMT İnsan Haqları Şurasından bu çağırışları nəzərə alması və lazımi addımları atması tələb edilib.
2020-ci ilin 4 avqust tarixindә Beyrut Limanında partlayıcı maddələrin olduğu anbarda baş verәn yanğın güclü partlayışa sәbәb olub.
Partlayış nəticəsində 200-ə yaxın adamın öldüyü, 6 mindən çox insanın yaralandığı, 300 min adamın da evlәrini tәrk etmәyә mәcbur olduğu bildirilib.
Tural Turan
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!