• USD 1,7000 0,00% EUR 1,8477 +0,02%
    • GBP 2,1073 +0,64% RUB 0,0227 +0,88%

Ölkələrarası ticarət əlaqələri müsbət xətt üzrə inkişaf edir - Şərh

Ölkələrarası ticarət əlaqələri müsbət xətt üzrə inkişaf edir - Şərh

İtaliya Azərbaycanın əsas xarici ticarət tərəfdaşıdır.

Bunu Publika.az-a açıqlamasında iqtisadçı Elşad Məmmədov deyib.

İqtisadçı bildirib ki, Azərbaycan İtaliyanı neft ixracı nöqteyi-nəzərdən əsas satış bazarı kimi qəbul edib: “Buna görə də İtaliyanın enerji istehlakında Azərbaycanın xüsusi yeri var. Budəfəki səfərin əsas xüsusiyyəti onunla bağlıdır ki, Prezident İlham Əliyev keçirdiyi görüşlərdə ölkəmizə birbaşa investisiyaların daxil olması istiqamətində səylər göstərir. Həm İtaliyanın ən nəhəng maliyyə-bank qurumunun, həm də aparıcı investisiya şirkətlərinin rəhbərləri ilə görüşlərdə məhz ölkəmizin birbaşa xarici investisiyaların yerləşdirilməsi üçün uğurlu məkan olduğunu diqqətə çatdırdı. İtaliya investisiyalarının ölkəmizə daxil olması ilə gələcəkdə birgə istehsal proseslərinin formalaşması gözləniləndir. Eyni zamanda artıq Cənub Qaz Dəhlizinin TAP layihəsi üzrə də işlər yekunlaşmaq üzrədir. 2020-ci ildə Azərbaycan qazının Cənubi Avropaya çatdırılması və İtaliyaya nəqli planlaşdırılır. Bütövlükdə Avropanın aparıcı iqtisadi sistemlərindən birinə malik olan İtaliya ilə Azərbaycanın qarşılıqlı ticarət əlaqələri müsbət xətt üzrə inkişaf edir”.

Tağı Həsənov

Halal Nemət

Xəbər lenti

DAHA ÇOX XƏBƏR