Nida Təhlil
Vergi güzəştləri sistemli və zəruri addımdır - İqtisadçı
"Vergi güzəştlərinin tətbiqi ilə bağlı proseslər ölkədə işgüzar fəallığın qorunmasına istiqamətlənib".
Bunu Publika.az-a açıqlamasında iqtisadçı alim Elşad Məmmədov deyib.
İqtisadçı vergi güzəştlərinin mahiyyətini belə izah edib: "Vergi Məcəlləsində bu yaxınlarda qüvvəyə minəcək güzəştlər milli iqtisadiyyatın dayanıqlığının qorunmasına yönəlib. Ona görə də şübhəsiz ki, bu proseslər ağır iqtisadi şəraitdə ölkə iqtisadiyyatına olan təzyiqin maksimum şəkildə azaldılması istiqamətində görülən tədbirlər kimi qiymətləndirilməlidir. Nəzərə almaq lazımdır ki, bu güzəştlər biznesin ayrı-ayrı həcminə görə təsnif edilməsini nəzərdə tutur. Biz görürük ki, mikro, kiçik və orta sahibkarlığa dəstək mexanizmlərini özündə əks etdirir. Belə ki, sadələşdirilmiş vergi ilə bağlı 50%-ə qədər güzəştin tətbiq olunması gözlənilir. Digər tərəfdən mənfəət vergisinin 75%-ə qədər azaldılması, eyni zamanda biznesin əmlak və torpaq vergisindən azad olunması məsələləri önəmlidir.
Bundan əlavə, icarə haqları yığılan zaman sahibkarların 14%-lik gəlir vergisindən azad olunması da bu layihədə yer alıb. Düzdür, yığımlar baxımından ilk baxışdan azalmalara səbəb ola bilər. Ancaq hazırkı iqtisadi durumda bunun tətbiq olunması zəruridir. Çünki onsuz da yığımlarda azalma müşahidə olunacaqdı. Biznesin ayaqda qalması qeyri-mümkün olacaqdı. Bu proses düşünülmüş və sistemli addım, stimullaşdırıcı tədbirlər kimi dəyərləndirilməlidir. Və tədricən iqtisadiyyatın bərpa olunması ilə işgüzar fəallığın artımına ümid edə bilərik".
Məhərrəm Əliyev
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI