İsrail bütün ssenarilərə hazırdır: İran nüvə silahı əldə edərsə...

“İran nüvə silahı əldə edərsə, ölkə bir növ təhlükəsizlik krediti alacaq. Eyni zamanda, bu, İsrail tərəfindən eskalasiyanın səbəbi ola bilər, baxmayaraq ki, hazırda Yaxın Şərqdə nüvə apokalipsisi üçün heç bir ilkin şərt yoxdur”.

Publika.az xəbər verir ki, bunu rusiyalı politoloq Aleksandr Asəfov deyib.

Ötən həftə İrandakı beynəlxalq müşahidəçilər uranın 84 faizə qədər zənginləşdiyini aşkar ediblər. Bu barədə “Bloomberg” agentliyinə diplomatik mənbələrdən məlumat verilib.

“Əslində, indi rəsmi qəbul ediləndən daha çox nüvə gücləri var. Məsələn, İsrail etiraf etməsə də, nüvə silahına malik olmaqda şübhəli bilinir. Şimali Koreya ilə bağlı şübhələr var və s. Burada sual “Bloomberg”-in açıqlamalarının nəyə əsaslandığıdır. Bəzi ekspertlərə istinad edirlər, lakin uranı necə kəşf etdikləri açıq sualdır. Buna baxmayaraq, İranın nüvə təhlükəsi ölkəni hər şeydə günahlandırmaq üçün məlum səbəbdir”, - politoloq qeyd edib.

Asəfov xatırladıb ki, baş nazir Benyamin Netanyahu artıq İranın nüvə silahı hazırlamasına icazə verməyəcəyini və bunun üçün hər şeyə hazır olduğunu bildirib.

“Qərb İranın hansı növ və nə qədər nüvə silahına malik olduğunu anlamaq üçün bir müddət İrandan geri qala bilər. Mən Yaxın Şərqdə nüvə apokalipsisinin başlanacağını gözləmirəm”, - deyə politoloq yekunlaşdırıb.

İranın Atom Enerjisi Təşkilatının sözçüsü Behruz Kamalvəndi mətbuatda İranda 84 faiz zənginləşdirilmiş uranın tapılması ilə bağlı yayılan məlumatlara münasibət bildirib. O, İSNA agentliyinə müsahibəsində bu cür məlumatları uydurma və faktların təhrifi adlandırıb: “İran hələ də uranı 60 faizdən yuxarı zənginləşdirməyə cəhd etməyib”.

Akqabay