Suriyada rejim buna görə SÜQUT ETDİ - Fidan Əsədin əsas səhvini AÇIQLADI

Suriya prezidenti Bəşər Əsəd hakimiyyətini itirdi, çünki o, ölkədəki hərbi əməliyyatlardakı fasilədən xalqla barışıq üçün istifadə etmədi.

Publika.az "Al Jazeera" telekanalına istinadla xəbər verir ki, bunu Türkiyənin xarici işlər naziri Hakan Fidan bildirib .

Respublikanın xarici siyasət idarəsinin rəhbəri dekabrın 8-də Qətərdə XXII Doha Forumunda çıxış edib. O qeyd edib ki, bir gecədə bölgədə “yeni Suriya” yaranıb.

“Bəşər Əsəd rejimi süqut etdi. Və ölkə üzərində nəzarət əlləri dəyişir. Bu, bir gecədə baş vermədi”, - diplomat vurğulayıb.

Fidanın sözlərinə görə, Suriya son 13 ildə qarışıqlıq vəziyyətindədir:

"2016-cı ildə Rusiya Federasiyası və Türkiyənin vasitəçilik səyləri sayəsində ölkədə hərbi əməliyyatlar donduruldu, lakin Yaxın Şərq respublikasının rəhbərliyi bu vaxtdan xalqla dil tapmaq üçün istifadə etmədi".

"Suriya elə bir mərhələyə çatıb ki, xalq öz ölkələrinin gələcəyini təyin edəcək", - nazir əlavə edib.

Dekabrın 8-nə keçən gecə noyabrın sonunda fəallaşan Suriya müxalifətinin silahlı dəstələri ölkənin paytaxtı Dəməşq şəhərini nəzarətə götürüb. Bundan sonra Rusiya Xarici İşlər Nazirliyi Bəşər Əsədin dövlət başçısı postunu tərk edərək xaricə getməyə qərar verdiyini açıqlayıb. Lakin bundan əvvəl o, hakimiyyətin sülh yolu ilə ötürülməsinə göstəriş vermişdi.

Hüseyn İbadlı