Qış yorğunluğundan xilas olmağın yolu - HƏKİM AÇIQLADI

Qışın sonunda yorğunluğun artması bədənin depressiya və stresə müqavimət göstərə bilməməsi ilə əlaqələndirilir və hava yalnız narahatlığı artırır, lakin bu, vitamin çatışmazlığı deyil.

Publika.az">Publika.az xəbər verir ki, bu sözləri “Вечерней Москвой” verilişinin teleaparıcısı və tanınmış həkim Aleksandr Myasnikov müsahibəsində deyib.

“Mən qış meşəsində 50 kilometr qaçdıqdan sonra depressiyaya düşən adam tanımıram. Vəziyyətinizi vitamin çatışmazlığı ilə əlaqələndirməməlisiniz. İnsan hər gün eyni vaxtda oyanmalıdır, bir saatını fiziki fəaliyyətə ayırmalı, doyumlu səhər yeməyi yeməli, liftdən istifadə etməməli, nəqliyyatdan az istifadə etməli və çox qalın geyinməməlidir. Həyatdan zövq alın. COVID, imkansızlıq və müharibənin yaxınlaşması ilə bağlı düşüncələrlə yaşamaq səmərəsizdir. Əgər beyninizdə daim bu fikirlər dolaşırsa, heç bir vitamin kömək etməyəcək. Həmçinin səhhətinizin pis olmasını post-COVID sindromu ilə əsaslandırmayın. Bel ağrıları, təzyiq və digər problemlər insanların bütün həyatlarını oturaq həyat tərzi keçirməsi, xəmir yeməkləri və kökə sevgisi ilə bağlıdır”,- həkim əlavə edib.

Həkim insanları qış sonunda vitamin çatışmazlığı səbəbiylə çoxlu dərman qəbul etməməyə səsləyib:

"Vitamin içib sağlam oyanacağınızı düşünmək sadəlövhlükdür. İstəyirsinizsə, için, amma bilin ki, hamısı təhlükəsiz deyil. Bəzi vitaminlər ölüm hallarını artırır. Siz sadəcə aptekləri zəngin edirsiniz. Bu gün mağazalarda həm təzə, həm də konservləşdirilmiş kifayət qədər sağlam tərəvəz və meyvələr var. Konservlərin tərkibində eyni vitaminlər dəsti var, yeganə mənfi cəhət şəkərin olmasıdır”, - Myasnikov qeyd edib.

Myasnikovun fikrincə, düzgün qidalanma və pis vərdişlərdən imtina rifah və yaxşı əhval-ruhiyyə üçün əsas qaydadır.