Sağlamlıq

Qarpız tumları zərərlidirmi?

7 İyun 2022 13:12

İmmuniteti zəif olan və ya bağırsaq hərəkətliliyi pozulmuş insanlar qarpızı tumları ilə yeyərkən diqqətli olmalıdırlar.

Publika.az xəbər verir ki, bu barədə “Gazeta.ru”ya müsahibəsində qastroenteroloq Olqa Lukanova danışıb.

Mütəxəssis qeyd edib ki, qarpız tumları mədə və bağırsaqlar üçün o qədər də təhlükəli deyil, sərt qabığı sayəsində həzm olunmur, ona görə də onların qəbulu nəticəsində appendisit olma ehtimalı azdır.

“Bir tumun appendiksə daxil olması və bu fonda iltihablanması üçün əlavə şərtlər olmalıdır: immun müdafiənin azalması, bağırsaq hərəkətliliyinin pozulması. Valideynlər uşağı qarpız yedirərkən daha diqqətli olmalıdırlar, çünki körpə nə qədər kiçik olsa, tumdan boğulma riski bir o qədər yüksəkdir. Uşaqlara tumlarını təmizləyərək vermək daha yaxşıdır. Yaxud bunu böyüklərin nəzarəti altında özləri etsinlər. Bu proses özünə qulluq bacarığını inkişaf etdirir”, - həkim tövsiyə edib.