Qeyri-adi pəhriz: 10 kilo arıqlamaq mümkündür

Xarici diyetoloqlar iddia edirlər ki, çox qaynadılmış yumurtanın köməyilə tez arıqlamaq olar. Yüksək proteinli və az karbohidratlı qaynadılmış yumurta pəhrizi ilə cəmi iki həftə ərzində 11 kq arıqlaya bilərsiniz. Bu, qısa müddətdə böyük çəki deməkdir. Rebound effekti barədə elə də narahat olmaq lazım deyil, çünki çəki adətən çox problem olmadan atılır. Bundan əlavə, bu, böyük maliyyə xərcləri tələb etməyən və icrası asan qidalanma planıdır.

Publika.az xarici mətbuata istinadla xəbər verir ki, aktrisa Nikol Kidman ideal formada qalmasını getdikcə populyarlaşan pəhrizə borcludur.

Yumurta çox qidalıdır və dadı gözəldir. Onları min bir üsulla hazırlamaq olar, amma qaynadılmışı qızardılmışdan daha sağlamdır: Bir qaynadılmış yumurtanın tərkibində 71 kalori, 6 qram protein, 5 qram yağ, 0,4 qram karbohidrat və 0 qram lif var. Kalorisi az olmaqla yanaşı, onların tərkibində zülallar, vitaminlər və antioksidantlar da var. Mənfi tərəfi ondan ibarətdir ki, yumurta bədəndə xolesterin istehsalını təşviq edir, yəni bütün insanlar belə pəhrizə əməl edə bilməzlər.

Pəhrizin bu üsuluna riayət etmək üçün gün ərzində bir neçə porsiya qaynadılmış yumurta yeməlisiniz. Gün ərzində üç-dörd qaynadılmış yumurta sağlamlığı riskə atmadan arıqlamağa kömək edəcək. Yumurtanın ideal yeyilmə vaxtı səhərdir. Səhər yeməyi üçün iki, günorta iki, yaxud səhər iki, günorta bir və gecə bir yumurta ola bilər. Qaynadılmış yumurta pəhrizin əsas tərkib hissəsidir, amma bu pəhrizə başqa qidalar da daxildir. Yumurta ilə yanaşı, tərəvəz və meyvələr kimi aşağı kalorili qidaları, həmçinin kalorisi az, amma zülalı yüksək balıq və toyuq əti yeyə bilərsiniz. Su, çay və ya qəhvə içə bilərsiniz, amma şəkərsiz. Karbohidratı yüksək və ya ultra rəfinə edilmiş bütün qidalar bu pəhrizdən xaric edilməlidir. Fəqət bu məhdudiyyətlər müvəqqətidir. Sadəcə müəyyən müddət bu növ qidalar qəbul edilməməlidir .Məqsədə çatandan sonra digər məhsulları normanı aşmamaqla qəbul edə bilərsiniz.

Pəhrizin nəticələri insandan insana dəyişə bilər. Düzdür, çox qısa müddətdə böyük nəticələr əldə etmək olar, lakin bu, bütün hallarda qanun deyil. Buna görə də, pəhrizə maksimum on həftə riayət etmək tövsiyə olunur və gözlənilən nəticələr əldə edilən kimi, karbohidratlar yeməyə başlaya bilərsiniz. Aydındır ki, bu məhdudlaşdırıcı yemək planına əməl edə biləcəyini dəqiqləşdirmək üçün həkiminizlə məsləhətləşmək vacibdir.