Sağlamlıq

Heyvanları gözləyən TƏHLÜKƏLİ İNFEKSİYA

11 Sentyabr 2022 19:00

Koronavirus bu ilin sonuna kimi ev heyvanlarına keçə bilər.

Publika.az xəbər verir ki, bu proqnozu təhlükəli infeksiyalar üzrə mütəxəssis, immunoloq, tibb elmləri doktoru Vladislav Jemçuqov verib.

"Çox sürətli yolxuculuq qabiliyyəti olan omikron yeni "sahiblər" axtarışındadır. Güman edirəm ki, bu, Yeni ildən əvvəl baş verəcək və virusun hansı heyvanlar arasında yayılacağını görəcəyik. Koronavirus təbii infeksiya kimi mövcud olacaq", - ekspert TASS-a müsahibəsində qeyd edib.

Çox güman ki, omikron modifikasiyaları ilə insanlar arasındakı yolxuculuq pandemiyadakı son gərginlik olacaq. Sonra virus heyvanlara keçəcək.

Eyni zamanda, həkimin fikrincə, planetdə kollektiv immunitet azalarsa, virus insanlar arasında yenidən yayıla bilər. Mütəxəssis həmçinin kütləvi immunitetdən yan keçəcək növbəti SARS-CoV-2 mutasiyasının yaranacağını da təxmin edir.