Sağlamlıq

Ətin bədənə bilinməyən təsiri üzə çıxdı

11 Oktyabr 2022 15:35

Braziliya alimləri bu qənaətə gəliblər ki, ət yeməyən insanların depressiyaya düşmə ehtimalı iki dəfə çoxdur.

Publika.az xəbər verir ki, bu barədə “Journal of Affective Disorders” məlumat yayıb. Tədqiqatın müəllifləri qeyd ediblər ki, sosial-iqtisadi amillərə və həyat tərzinə baxmayaraq, vegetarianlar depressiyaya daha çox həssasdır.

Alimlər qidalanmanın müxtəlif aspektlərini, o cümlədən ümumi kalori, zülal və mikroelementlərin səviyyəsini nəzərə alıblar. Məlum olub ki, depressiyaya ən çox vegetarianlarda rast gəlinir.

Tədqiqatda qeyd olunub ki, onların depressiyaya düşməsi həmişə orqanizmdə qida maddələrinin çatışmazlığı ilə bağlı olmur. Məsələn, digər insanlarla qidalanma ilə bağlı fikir ayrılıqları da buna səbəb ola bilər. Alimlərin fikrincə, bu insanlara həm də heyvanların öldürülməsi və ət istehsalı ilə bağlı görüntülər də mənfi təsir göstərir.

Aytən Məftun