Sağlamlıq

Əgər siqareti bu yaşda atsanız...

17 Noyabr 2022 15:00

İnsan nə qədər tez siqaret çəkməyə başlayıbsa, xərçəng riski bir o qədər yüksəkdir. Məsələn, əgər asılılıq 10-12 yaşlarında başlayıbsa, onda xərçəngə tutulma ehtimalı dörd dəfə artır.

Publika.az xəbər verir ki bu sözləri terapevt Anastasiya Yusupova deyib.

"Uşaqlıqda (10-12 yaş) siqaret çəkməyə başlayanların xərçəng riski əhaliyə nisbətən 4 dəfə yüksəkdir. Əgər siz təxminən 21 yaşında siqaret çəkmisinizsə, risk təxminən 2,5 dəfədir", - mütəxəssis "Sankt-Peterburq" kanalına müsahibəsində deyib.

Həkimin sözlərinə görə, əgər insan siqareti 25-34 yaş arasında tərgidərsə, o zaman xərçəngə tutulma riski normal həddə düşür. Məhz bu yaş dövründə, həkimin vurğuladığı kimi, siqaretlə vidalaşmaq lazımdır.