51 yaşlı məşhurun cavanlıq sirri açıldı
Bizi izləyin

Sağlamlıq

51 yaşlı məşhurun cavanlıq sirri açıldı

Amerikalı musiqiçi və aktyor Cared Letonun əbədi gəncliyinin sirri kosmetologiya ilə bağlı deyil. O, qocalmanı ləngidən bəzi qaydalara əməl edir, onlardan biri müntəzəm idmandır.

Publika.az xəbər verir ki, bu barədə "Gazeta.ru"ya müsahibəsində yaş əleyhinə terapevt, dermatoloq, kosmetoloq, gerontoloq Yelena Kudaşkina məlumat verib.

"Bunu aktyorun yarıçılpaq fotolarına baxanda aydın görmək olar. Güclü əzələləri var, həm bədəni, həm də üzü gənc görünür. Genlər mütləq rol oynayır. Onun qardaşı Şennon da cavan qalıb. Amma Cared müsahibələrində bildirib ki, idman onun həyat tərzidir, xüsusilə açıq havada məşq edir. Aktyor təmiz havada idman edərkən heç bir qadcet götürmür, qaçmağa, gəzməyə və velosiped sürməyə üstünlük verir. Bundan əlavə, ulduz psixi sağlamlığı izləyir və gündəlik meditasiya edir, özünüdərki öyrənir.

Üçüncü və ən əsası, o, vaxtında və düzgün yatdığını söyləyir. Kifayət qədər yuxu almadığınız təqdirdə aktiv həyat tərzinə və ağır yüklərə tab gətirmək mümkün deyil. Taxıl məhsulları, qoz-fındıq yeyir, normaya riayət edir. Leto bütün zərərli qidalardan, o cümlədən alkoqoldan imtina edib, hətta pivə də içmir. Əlbəttə ki, siqaret də çəkmir", - deyə mütəxəssis qeyd edib.

Terapevtin fikrincə, belə prinsiplərə əməl etmək əbədi gənc görünməyin 90%-ni təşkil edir.

Aytən Məftun

Oxumağa davam et
Reklam
Reklam

Gündəm