Sağlamlıq

Bu halda qrip aylarla davam edə bilər - Xəbərdarlıq

24 Yanvar 2023 14:25

Qripin ağır formasında bədənin bərpası təxminən üç ay çəkə bilər.

Publika.az xəbər verir ki, bu barədə terapevt Andrey Ryabkov məlumat verib. O qeyd edib ki, qripi yüngül keçirənlər təxminən bir həftə sonra sağalır.

"Qripin yüngül formasında orqanizm təxminən 7-10 gün ərzində sağalır. Orta ağırlıqda 10-14 gün, bəzən 21 günə qədər davam edə bilər. Qripin daha ağır formasının sağalması isə təxminən üç ay, bəzən isə daha çox çəkə bilər”, – mütəxəssis Ura.ru-ya müsahibəsində bildirib.

Həkim qeyd edib ki, xəstəliyin başlanmasından əvvəl immunitetin vəziyyəti, eləcə də xroniki xəstəliklərin olması bərpa dövrünə təsir göstərə bilər. Ən təhlükəli fəsadlar arasında həkim viral pnevmoniya, viral meningit, koronar ürək xəstəliyinin kəskinləşməsi, bronxial astma, xroniki bronxiti qeyd edib. Qrip həmçinin otit və sinüzitə səbəb ola bilər.

Aytən Məftun