Ətdən xeyirli, ilandan zərərsiz - "İlan meyvəsi"

İlan meyvəsi qabığı ilə yanaşı digər faydaları da var. Meyvənin müxtəlif adları var. Elmi adı isə ilan meyvəsidir.

Publika.az xəbər verir ki, ölkəmizdə o qədər də tanınmayan bu meyvə Cənub-Şərqi Asiyada və bəzi tropik ölkələrdə kifayət qədər yayılıb. Son zamanlar həm görünüşü, həm də dadı ilə sevimli meyvəyə çevrilən ilan meyvəsi Asiyanın qastronomiya mədəniyyətinin ən fərqli məhsullarından biridir.

Tropik meyvələrdən olan bu meyvə ilan dərisinə bənzəyən pullu dərisinə görə "ilan meyvəsi" kimi də tanınır.

Hündürlüyü təxminən 6 metrə çatan palma ağaclarında yetişir. Yumurta formalı meyvə Tayland, Malayziya, Bruney və İndoneziya kimi ölkələrdə böyüyür.

Meyvədə müəyyən antioksidanların olması xərçəng əleyhinə təsir göstərir. Həmçinin bu antioksidanlar ürək xəstəliklərinə, insultların və menopoz əlamətlərinin qarşısını ala bilirlər. Uzun müddət toxluq hissi verən bu tropik meyvə yaddaşı gücləndirməklə də tanınır. "İlan meyvəsi" həddindən artıq çox yedikdə qəbizlik kimi sağlamlıq problemlərinə səbəb ola bilər.

Aysel Şahmar