B-21 “Raider”: Rusiya üçün QORXUNC YUXU - Dünyanın istənilən nöqtəsindəki hədəfi vuracaq
Bizi izləyin

ABŞ

B-21 “Raider”: Rusiya üçün QORXUNC YUXU - Dünyanın istənilən nöqtəsindəki hədəfi vuracaq

ABŞ-ın yeni strateji bombardmançısı B-21 “Raider” Rusiyanın hava hücumundan müdafiə sistemləri üçün böyük çətinliklər yaradacaq. Bu haqda “The National İnterest” dərisində Kris Osborn yazır.

Müəllif qeyd edir ki, yeni bombardmançının bir çox xarakteristikaları ola bilsin, heç vaxt açıqlanmayacaq. Amma bununla belə ABŞ Hərbi Hava Qüvvələrinin yüksək rütbəli nümayəndələrindən biri jurnalistə deyib ki, yeni stels-bombardmançı dünyanın istənilən nöqtəsində, sutkanın istənilən saatında istənilən hədəf üçün təhdid yaradacaq. Osborn istisna etmir ki, B-21 “Raider” Rusiya və Çinin hava hücumundan müdafiə sistemlərinə bənzər sistemlərdə sınaqdan keçiriləcək.

Məqalədə bildirilir ki, Rusiya özünün S-400 və S-500 zenit-raket komplekslərinin radarlara görünməyən təyyarələri də aşkar edib məhv edə biləcəyini bildirir. Rusiyanın hava hücumundan müdafiə sistemləri ola bilsin effektivdir, amma təkmilləşdirilmiş B-21 bombardmançılarını aşkar etmək və vurmaq onlar üçün fövqəladə çətin olacaq. Ona görə də Moskvanın bu yeni bombardmançıları aşkar etmək və izləmək üçün daha həssas radarlara ehtiyacı yaranacaq. Çünki B-21 “Raider” bombardmançısının tamamilə yeni stels-texnologiyaya malik olması Rusiya üçün “dəhşətli yuxu” olacaq.

B-21 “Raider” ABŞ-ın “Northrop Grumman” korporasiyası tərəfindən işlənib hazırlanıb. Maşın zahiri görkəmcə B-2 strateji bombardmançılarına bənzəyir. Bombardmançının başlıca vəzifəsi nüvə zərbələrinin endirilməsi ilə yanaşı rəqibin hava hücumundan müdafiə sistemindən gizlicə onun ərazisinə daxil olmaq və əsas hava hücumundan müdafiə komplekslərini məhv etməkdir. Bunun ardınca isə taktiki aviasiya nisbətən təhlükəsiz şəraitdə hərəkət edə bilər.

B-21 “Raider” bombardmançısının əsas qeyri-nüvə silahlarına “Lockheed Martin” şirkətinin işləyib hazırladığı AGM-183A ARRW raketlərinin daxil olacağı gözlənilir. Bu raketin sürəti saatda 20 min kilometrə qədər çata bilər və uçuş məsafəsi 800 kilometrə qədərdir. Hipersəs sürətli bu raketin istehsalı 2022-ci ildə planlaşdırılır, hərçənd Rusiya hipersəs sürətli “hava-yer” raketlərini artıq öz arsenalına daxil edib. (Virtualaz.org)

Oxumağa davam et
Reklam
Reklam

Gündəm