ABŞ və Çin liderləri görüşdü: Biz artıq bir çox məsələlərdə razılığa gəlmişik - Yeniləndi

Çin Xalq Respublikasının sədri Si Cinpin və ABŞ Prezidenti Donald Tramp Cənubi Koreyanın Busan şəhərindəki danışıqları başa çatıb.

Publika.az xəbər verir ki, ABŞ və Çin liderləri arasında görüş 1 saat 40 dəqiqə davam edib.

***

Ağ Evin mətbuat xidməti Cənubi Koreyanın Pusan şəhərindəki Gimhe aviabazasında keçirilən sammitin açılışını yayımlayıb.

Publika.az xəbər verir ki, Amerika lideri Vaşinqton və Pekin arasında uzunmüddətli perspektivdə fantastik münasibətlərin olacağına inandığını bildirib.

"İnanıram ki, biz artıq bir çox məsələlərdə razılığa gəlmişik və indi daha bir çox məsələlərdə razılığa gələcəyik. Prezident Si Cinpin böyük bir ölkənin böyük lideridir", - Tramp deyib.

Qeyd edək ki, Si Cinpin də öz növbəsində Çin və ABŞ-nin əsas məsələlərin həllində konsensus əldə etdiyini söyləyib.

***

Cənubi Koreyanın Busan şəhərində ABŞ Prezidenti Donald Trampla Çinin Sədri Si Cinpin arasında görüş başlayıb.

Publika.az xəbər verir ki, Tramp çinli həmkarına onu görməkdən məmnun olduğunu deyərək görüşün uğurlu olacağına şübhəsinin olmadığını bildirib.

Görüşdə iki ölkə arasında ticarət razılaşması və qlobal məsələlərin müzakirəsi gözlənilir.