Kardaşyan ABŞ-ın 56 illik yalanını İFŞA ETDİ: “Qoy dəli olduğumu düşünsünlər” - FOTO

Amerikalılar 1969-cu ildə Aya enməyiblər, bütün bunlar səhnələşdirilib.

Publika.az xəbər verir ki, bunu amerikalı realiti-şou ulduz Kim Kardaşyan deyib.

“The Kardashians” şousunun yeni bölümündə 45 yaşlı ulduz, insanların əslində Ayda gəzdiyinə inanmadığını etiraf edib.

"All’s Fair" serialının çəkilişləri zamanı Kim aktrisa Sarah Polson ilə mövzunu müzakirə edib.

"Mən sizə milyonlarla məqalə göndərəcəyəm - Bazz Oldrin və o biri ilə", - deyən Kardaşyan astronavt Nil Armstronqa eyham vurub.

“95 yaşlı Oldrin qocaldığı və həqiqəti ortaya çıxardığı üçün müsahibədə həqiqətdən qaçır. Düşünürəm ki, bu, sadəcə baş vermədi", - Kim deyib.

Etirafında o, “TikTok” videolarından sitat gətirib. Onun sözlərinə görə, Oldrin özü enişin heç baş vermədiyini deyib. Kim hətta öz “dəlillərini” də təqdim edib: "Ayda cazibə qüvvəsi yoxdursa, bayraq niyə dalğalanır? Muzeydə nümayiş etdirilən ayaqqabılardakı ayaq izləri niyə fotolarla uyğun gəlmir? Bəs səmada ulduzlar haradadır?".

Şounun prodüserləri ondan enişin saxta olduğuna inandığını soruşub. Kardaşyan tərəddüd etmədən cavab verib:

“Bəli, məncə, hər şey səhnələşdirilib. Qoy dəli olduğumu düşünsünlər. Sadəcə "TikTok"a girin, hər şey oradadır”.

Sarah Polson isə geniş miqyaslı araşdırma aparacağına söz verib.

Adəm